गतिविधिहरू

मिति 2075/11/15 गते देखी जिल्ला तनहुँ व्यास न.पा. वडा नं. 6 र 7 को विचमा रहेको मादी नदीमा हराई वेपत्ता भएका ईलाका प्रहरी कार्यालय भिमाद तनहुँ दरबन्दी भई अस्थाई प्रहरी पोष्ट कलेस्ती तनहुँमा कार्यरत प्रहरी जवान जिल्ला प्युठान घर भएका बर्ष 25 को ठगेन्द्र घर्ती मगर बेपत्ता भएको खबर मिति 2075/11/21 गते 10:00 बजे यस शिक्षालयमा प्राप्त भए पश्चात यस शिक्षालयबाट स.प्र.ना.नि. प्रहलाद सिलवालको कमाण्डमा 3 जना गोताखोर सहित 7 जनाको उद्धार टोली उक्त स्थानमा खटिई गई 14:00 बाट खोजतलास गर्दा 15:10 बजे Deep Dive Rescue टोलीले 16:25 बजे मृत अवस्थामा फेला पारी उक्त शव नेपाल प्रहरीलाई बुझाई उद्धार टोली 19:00 बजे कार्यालय फिर्ता भएको व्यहोरा सादर जाहेर (०)

           उक्त तालिममा सशस्त्र प्रहरी बलका बिभिन्न युनिटहरुबाट सिनियर अफिसर १० जना र जुनियर अधिकृत ८ जना गरी जम्मा १८ जना तालिममा सहभागीता रहेको थियो ।   Special Operations Command Pacific बाट आउनु भएका प्रशिक्षक Mr.  Erick Kastner Mr Brian Mcclean,   Mr. Kunal Tuladhar. हरुले Tactical Combat Casualty Care, Physical Assessment, Triage, NCD, IV, Splinting, TQ, Vital Signs, Litters Carry लगायतका विभिन्न Medical First Responder सम्बन्धी विषयवस्तुहरुमा सैद्धान्तिक तथा व्यवाहारिक ज्ञान प्रदान गर्नु भएको थियो । उक्त तालिम अवधिमा सशस्त्र प्रहरी बल, नेपालका अधिकृतहरुले आफुसंग  भएका ज्ञान तथा अनुभवहरु आदान प्रदान गरेका थिए ।

तालिमको अन्तिम दिन सहभागीहरुले भुकम्पको अवस्थामा Mass Casualty Scenario  को कल्पना गरी घाईतेको उद्धार, वर्गिकरण(Triage) तथा प्राथमिक उपचारको अभ्यास प्रस्तुत गरेका थिए ।  उक्त तालिमको समापन समारोहमा प्रशिक्षकद्वय  Erick Kastner र Brian Mcclean ले तालिममा सहभागीहरुले सक्रियतापूर्वक सिकाई कार्यमा सहभागी हुनुका साथै दुर्घटनामा घाईतेहरुको प्राथमिक उपचार तथा हेरचाहमा सशस्त्र प्रहरी बल,  नेपाल र US  Special Operations Command Pacific हरु बिच रहेको रहेको ज्ञान, सीप तथा अनुभवको आदान प्रदानले उद्धारकहरुको क्षमता अभिवृद्धीमा योगदान पुर्‍याएको बताउनु भयो । 

तालिममा सहभागी सशस्त्र प्रहरी नायव उपरीक्षक विष्णु प्रसाद धितालले तालिमले विभिन्न दुर्घटनामा परेका घाईतेहरुको तत्कालै उपचार गर्न उद्धारकर्मीहरुलाई सहयोग पुर्‍याएको बताउनु भयो । समापन कार्यक्रममा शिक्षालयका समादेशक सशस्त्र प्रहरी वरिष्ठ उपरीक्षक किशोर प्रधानज्यूले तालिममा सहभागी प्रशिक्षक तथा प्रशिक्षार्थीहरुलाई सफलतापूर्वक तालिम सम्पन्न गर्नु भएकोमा बधाई दिदै सिकेका ज्ञानलाई मानवीय कार्यमा प्रयोग गर्नु पर्ने र अन्य स.प्र.क.हरुलाई समेत प्रशिक्षित गर्नु पर्नेमा जोड दिनुका साथै  US Embassy, Nepal र Special Operations Command Pacific लाई बिशेष धन्यवाद दिदैं उहाँले आगामी दिनहरुमा समेत यस्ता तालिमहरुको निरन्तरतामा समन्वय रहने बताउनु भयो । 

 मिति २०७५/१२/०५ गते देखि विपद् व्यवस्थापन तालिम शिक्षालयमा संचालन हुने सि.सं. २२८ (ङ) सशस्त्र प्रहरी जवान आधारभूत तालिमको प्रथम प्रवचन कार्यक्रम तालिम शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानज्यूले पर्दा अनवरण गरी उद्घाटन गर्नु भयो ।

          उक्त कार्यक्रममा सकल दर्जालाई अमूल्य निर्देशन सम्‍बोधन गर्नु हुदैँ समादेशकज्यूले आफ्नो काम र कर्तव्य अनुसार जिम्मेवारी बहन गर्न सक्ने गरी दक्ष जनशक्ति उत्पादन गर्न तालिमको महत्वपूर्ण भूमिका हुने बताउनु भयो । उहाँले संगठन प्रवेश आधार स्तम्भमा रहेको आधारभूत तालिम मार्फत स.प्र.क.हरुमा नयाँ सोच र दृष्टीकोणको विकास गराउन सकिएमा संगठनको स्वतः विकास हुने र तालिमको उपलब्धी भन्नु नै सशस्त्र प्रहरी कर्मचारीको हौशला अभिबृद्धि गर्ने पेशा प्रति समर्पित हुनको लागि आत्म विश्वास पैदा गराउने र Spirit de-corps को भावना पैदा गराउनु हो । कुनै पनि संगठनमा कर्मचारीको नियुक्ति पछि उनिहरुको काम सुहाउदो प्रशिक्षण दिनु संगठनको महत्वपूर्ण काम हो , सहि छनौटबाट संगठनले योग्य सदस्य पाँउदछ भने सहि तालीमले नयाँ सदस्यलाई व्यवसायिक ज्ञान दिई मानसिक एवं शारिरीक रुपले तयार पार्दछ भनी निर्देशन दिनुका साथै तालीममा सहभागी प्रशिक्षार्थीहरुलाई अनुशासित, लगनशील र सकfरात्मक सोचका साथ तालिम गरेमा अवश्य सफल भइन्छ भनी तालिम सफलताको शुभ कामना समेत ब्यक्त गर्नु भयो ।

        कार्यक्रममा तालिम सम्बन्धी प्रतिवेदन तालिम प्रमुख प्रशिक्षक स.प्र.ना.उ. सुजित विष्टले प्रस्तुत गर्नु भएको थियो भने स.प्र.ना.उ. विष्णु प्रसाद धितालले धन्यवाद  दिनु भएको थियो । उक्त तालिममा  सहभागि हुनुपर्ने १२८  जना प्रशिक्षार्थीहरु मध्ये ५ जना प्रशिक्षार्थीहरु सहभागी नभई १२३ जना प्रशिक्षार्थी सहभागी रहेका छन् ।

मिति २०७५/१२/२५ गते US Special Operations Command Pacific  को आयोजनामा सशस्त्र प्रहरी बल,  नेपाल विपद् व्यवस्थापन तालिम शिक्षालय कुरिनटारमा ५ दिन कार्यावधी रहेको Subject Matter Expert Exchange (SMEE) Training  को प्रथम प्रवचन तथा गत पौष ०८ गते देखि संचालन भएको सि.सं. २९  विपद् व्यवस्थापन तालिमको अन्तिम प्रवचन कार्यक्रम यस शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानको प्रमुख आतिथ्यमा सम्पन्‍न भयो ।   SMEE Training  मा स.प्र.बल,  नेपालका विभिन्न ईकाईहरुबाट  मनोनित १८ जना सिनियर तथा जुनियर अधिकृतहरु सहभागी रहेको उक्त तालिम २९ गते समापन हुनेछ । 

कार्यक्रमका प्रमुख अतिथी सशस्त्र प्रहरी बरिष्ठ उपरीक्षक किशोर प्रधानले विपद् व्यवस्थापन तालिममा सर्वोत्कृष्ट हुने प्रशिक्षार्थीलाई पुरस्कार प्रदान तथा तालिममा सहभागी सात जना स.प्र.नि. प्रशिक्षार्थीहरुलाई प्रमाणपत्र र  अन्य प्रशिक्षार्थीहरुलाई DMT TAG प्रदान गर्नु भएको थियो । उहाँले विपद् व्यवस्थापन एउटा पवित्र मानवीय सेवा भएकोले यस कार्यमा लागेका सम्पुर्ण स.प्र.क.हरु कट्टिबद्ध तथा निष्ठावान भई सेवा गर्नुपर्ने र तालिम गरिसकेपश्चात पनि आफ्नो कार्य कुशलता वृद्धि गर्नको  लागि निरन्तर रुपमा अभ्यास गरिराख्‍न निर्देशन दिनुका साथै उद्घाटन भएको SMEE Training  मा सहभागी अधिकृतहरुलाई तालिममा प्रदान गरिने प्राथमिक उपचार सम्बन्धी ज्ञानले विपद्को समयमा प्रभावकारी रुपमा कार्य सम्पादन गर्न सहयोग पुग्ने हुँदा तालिममा दत्त चित्त भई सिकाई हासिल गर्न निर्देशन दिनु भयो ।

साथै उक्त कार्यक्रममा समापन भएको सि.सं. २९ विपद् व्यवस्थापन तालिमको प्रतिवेदन तालिम प्रमुख प्रशिक्षक सशस्त्र प्रहरी नायव उपरीक्षक बिष्णु प्रसाद धितालले प्रस्तुत गर्नु भयो । उक्त  तालिममा सि.अ. सात जु.अ. छ  र विल्लादार जवान ३४  जना गरी जम्मा ४७ जना प्रशिक्षार्थीहरुले तालिम सफलतापूर्वक सम्पन गरेका थिए ।

मिति २०७५/१२/२४ गते श्री खड्गदेवी बहुउद्धेश्यीय सहकारी संस्था¸बन्दीपुर तनहुँबाट संस्थाका अध्यक्ष श्रीमती विजया श्रेष्ठ सहितको पदाधिकारीको टोलीले विभिन्न दुर्घटनाहरुमा हुने घाईतेहरुको प्राथमिक उपचारमा सहयोग पुग्ने अभिप्रायले औषधी सहितको  प्राथमिक उपचार बाकस आठ थान तालिम शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानज्यूलाई उक्त संस्थाकी अध्यक्ष श्रीमती विजया श्रेष्ठले हस्तान्तरण गर्नु भएको थियो । उक्त कार्यक्रममा अध्यक्ष श्रेष्ठले शिक्षालयले गरेका  कार्यहरुको प्रशंसा गर्नु भई आगामी दिनहरुमासमेत यस्ता किसिमका सहयोगहरुमा निरन्तरता दिईने बताउनु भयो ।  साथै उक्त हस्तान्तरण कार्यक्रममा समादेशक किशोर प्रधानज्यूले विपद्को समयमा समुदायको  महत्वपूर्ण भुमिका हुने र विभिन्न संघ संस्थाहरुले आफ्नो सामाजिक दायित्व निर्वाहमा प्रतिबद्धा रहदाँ उद्धार कर्मीहरुलाई समेत मानवीय कार्य सम्पादनमा सहजता हुने बताउनु भयो । उहाँले उक्त संस्थाले गरेको सहयोग प्रति आभार प्रकट गर्दै संस्थाका सम्पूर्ण पदाधिकारीहरुलाई धन्यवाद ज्ञापन गर्नु भएको थियो । 

मिति २०७५/१२/१५ गते  जिल्ला पाल्पा तीनाउ गा.पा. ३ हेडबक्स स्थित तिनाउ खोलामा पौडि खेल्ने क्रममा (चितवनबाट घुम्न गएका) जिल्ला चितवन खैरेनी न.पा. २ वतन भएका बर्ष ४० को पालुराम दाहाल बेपत्ता भएको खबर  प्राप्त हुन साथ श्री सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट  स.प्र.नि. हेमन्त सिंहको कमाण्डमा खटी गएको गोताखोर सहित ५ जनाको उद्धार टोलीले मिति २०७५/१२/१५ गते  घटनास्थलमा पुगी खोजतलास गर्दा १०:५० बजेको समयमा निजलाई मृत अवस्थामा फेला पारी निजको आफन्तलाई बुझाएको । 

मिति २०७५/१२/०५ गते जिल्ला चितवन ईच्छाकामना गा.पा.- ०१  कालिखोला स्थित मुग्लिन नारायणगढ सडक खण्डमा नारायणगढ तर्फ जादै गरेको  ना. ६ ख १४२  नं. को खाली ट्रक दुर्घटनामा च्यापिएको अवस्थामा मृत्यू भएका १ जना सहचालक र घाईते  ४ जनालाई स.प्र.नि. भवराज कटवालको कमाण्डमा खटि गएको १५ जनाको टोलीले उद्धार गरी भरतपुर स्थित चितवन मेडिकल कलेजमा उपचारको लागि पठाईएको

मिति २०७५/११/११गते १७:४५ बजेको समयमा जिल्ला चितवन भरतपुर महानगरपालिका-१ मा (मित्र राष्ट्र भारत घर भई) डेरा गरि बस्ने चटपटे व्यापारी गोपी साहको छोरा बर्ष १५ को मनिष साह नारायणी नदीमा नुहाउने क्रममा बेपत्ता भएकोमा मिति २०७५/११/१२ गते यस शिक्षालयबाट  स.प्र.नि. भवराज कटवालको कमाण्डमा २ जना गोताखोर सहित ९ जनाको टोलिले खोजतलास गरी  ११:१० बजेको समयमा शव फेला पारि जिल्ला प्रहरी कार्यालय चितवनको नेपाल प्रहरीको टोली बुझाईएको ।