विपद् व्यवस्थाप तालिम शिक्षालयमा संचालन हुने सि.सं.३० विपद् व्यवस्थापन तालिमको प्रथम प्रवचन कार्यक्रममा प्रमुख अतिथी शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानज्यूको प्रमुख आतिथ्यमा सम्पन्न भयो । प्रमुख अतिथी समादेशक किशोर प्रधानले पर्दा अनावरण गरी तालिमको विधिवत रुपमा उद्घाटना गर्नु भई तालिममा सहभागी प्रशिक्षार्थीहरुलाई निर्देशन सम्बोधन गर्नु हुदै तालिममा दत्त चित्त भएर तालिम सम्पन्न गर्न हुनका साथै सिकाईएका सिप ज्ञानहरुलाई सहज रुपमा आत्मसात गर्नुहुन निर्देशन दिनु भयो ।

उक्त तालिममा सह समादेशक सशस्त्र प्रहरी उपरीक्षक सुदर्शन प्रसाद सिलवाल लगायत सिनियर अधिकृत जुनियर अधिकृत तथा विल्लादार जवानहरुको समेत उपस्थिती रहेको थियो । उक्त तालिम सम्बन्धी कार्ययोजना सशस्त्र प्रहरी नायव उपरीक्षक विष्णु प्रसाद धितालले पेश गर्नु भएको थियो भने सशस्त्र प्रहरी उपरीक्षक सुदर्शन प्रसाद सिलवालले धन्यवाद मन्तव्य ज्ञापन गर्नु भएको थियो । उक्त तालिममा जु.अ.सहित ५० जना प्रशिक्षार्थीहरु सहभागी भएका छन ।