मिति २०७६/०५/०४ गते सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारको समन्वय र ईच्छाकामना गाउँपालिका कुरिनटार¸ चितवनको सहकार्यमा यस शिक्षालयमा नवनिर्मित मुलगेटको ईच्छाकामना गाउँपालिकाका अध्यक्ष गीता कुमारी गुरुङ्ग र यस शिक्षालयका समादेशक स.प्र.ब.उ. किशोर प्रधानले संयुक्त  रुपमा समुदघाटन गर्नुभएको ।

      उक्त अवसरमा गाउँपालिका अध्यक्षले सशस्त्र प्रहरी बल नेपाल विपद् व्यवस्थापन तालिम शिक्षालयले विपद् व्यवस्थापनको क्षेत्रमा गरेका कार्यहरुको चर्चा गर्नुभई मुलगेट निर्माणमा महत्वपुर्ण योगदान पुर्याउनुहुने सम्पुर्ण ब्यक्तित्वहरुलाई प्रशंसा पत्र वितरण गर्नुभएको र यस शिक्षालयका समादेशकबाट निर्माण कार्यको लागी अमुल्य सहयोग पुर्याउनुभएकोमा  गाउँपालिका अध्यक्ष लगायत निर्माण उपभोक्ता समिति¸ निर्माण कार्यमा प्रत्यक्ष रुपमा सहयोग पुर्याउनुहुने सम्पुर्णमा धन्यवाद तथा आभार प्रकट गर्नुभएको साथै उक्त कार्यक्रममा गाउँपालिकाका पदाधिकारीहरु¸ स्थानिय बुद्दिजीवि तथा भद्रभलादमीहरुको समेत उपस्थिती रहेको थियो ।