मिति २०७६/०३/२८  गते बिहान अन्दाजी ०६:३० बजेको समयमा जिल्ला चितवन ईच्छाकामना गाउँपालिका -५ स्थित मुग्लिन बजार नजिकै भैरहवाबाट काठमाडौतर्फ जाँदै गरेको ना.४ ख. १९७६  नं. मालबाहक ट्रकमा माथिबाट ढुङ्गा खसी ट्रकमा लाग्दा उक्त ट्रक सडकबाट अन्दाजी ३०/४० मिटर तल त्रिशुली नदीमा खस्दा भएको दुर्घटनाको खबर अन्दाजी ०६:०० बजे ईलाका प्रहरी कार्यालय मुग्लिनबाट प्राप्त हुनसाथ यस शिक्षालयबाट स.प्र.नि. हरिकृष्ण गिरीको कमाण्डमा खटि गएको ९ जनाको उद्धार टोलीले जिल्ला ललितपुर बस्ने बर्ष ४६ को चालक माधव थापालाई घाईते अवस्थामा उद्धार गरी उपचारको लागि चितवन मेडिकल कलेज भरतपुरतर्फ पठाएको र उक्त ट्रकका सह-चालक दाङ्ग घोराही बस्ने अन्दाजी वर्ष २०/२० को अनिल भन्‍ने (थर नखुलेको) व्यक्तीको शव त्रिशुली नदीबाट निकाली ईलाका प्रहरी कार्यालय मुग्लिनबाट खटिई आएको नेपाल प्रहरीको टोलीलाई बुझाईएको ।