'गणतन्त्र दिवस २०७६’ को अवसरमा सशस्त्र प्रहरी बल, नेपाल विपद् व्यवस्थापन तालीम शिक्षालय  कुरिनटारले विभिन्‍न कार्यक्रमहरुको आयोजना गरी भव्यताकासाथ मनाएको छ । शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानको उपस्थितीमा मिति २०७६/०२/१५ गते तालीम शिक्षालयद्वारा विपद् उद्दार तथा जोखिम न्युनिकरण सम्बन्धी जनचेतनामुलक कार्यक्रम  संचालन गरिएको थियो ।त्यसै गरी मिति २०७६/०२/१६ गते चितवन जिल्ला ईच्छाकामना गाउँपालीका र सशस्त्र प्रहरी बल, नेपाल विपद् व्यवस्थापन तालिम शिक्षालयको संयुक्त आयोजनामा सरसफाई कार्यक्रमको आयोजना गरियो । सरसफाई कार्यक्रममा शिक्षालयका समादेशक लगायत १९० जना सशस्त्र प्रहरी कर्मचारीहरु र  गाउँपालिकाका प्रतिनिधि, स्थानियवासीहरु सहभागी भई ईच्छाकामना गाउँपालीका-०४ कुरिनटार स्थित ईच्छाकामनामाताको मन्दिर¸ कुरिनटार बजार क्षेत्र एवं सडकहरुमा सरसफाई कार्यक्रम संचालन गरिएको थियो ।

  दिवसकै अवसर पारी सशस्त्र प्रहरी बल, नेपाल विपद् व्यवस्थापन तालीम शिक्षालय हाता भित्र विभिन्‍न प्रजातिका वृक्षारोपण समेत गरिएको थियो ।