सशस्त्र प्रहरी बल नेपाल विपद् व्यवस्थापन तालिम शिक्षालयमा मिति २०७६/०३/२६ गते देखि संचालन भएको नेपाल प्रहरीको राष्ट्रिय प्रहरी प्रशिक्षण प्रतिष्ठान महाराजगंजमा संचालित “प्रहरी निरीक्षक आधारभूत तालिम 179 औ (PGDPS 10th Batch) समूह” का प्रशिक्षार्थीहरु सहभागी रहेको Water Rescue Training मिति २०७६/०३/३१ शिक्षालयका समादेशक सशस्त्र प्रहरी बरिष्ठ उपरीक्षक किशोर प्रधानज्यूको प्रमुख आतिथ्यतामा समापन भएको थियो।

उक्त समापन कार्यक्रममा बोल्नुहुदै सशस्त्र प्रहरी बरिष्ठ उपरीक्षक किशोर प्रधानज्यूले  आजको विश्वमा विपद् एक अत्यन्तै संवेदनशील तथा मानव समाजको गम्भीर चुनौतीको रुपमा रहेकोले विपद्को अवस्थामा मानवीय सहायता प्रदान गर्नु तथा पिडीतको उद्धार गर्नु  सबैको दायित्व भएको र प्रकोपको रोकथाम, न्यूनीकरण, पूर्व तयारी तथा उद्धार कार्यलाई प्रभावकारी रुपमा संचालन गर्न कसैको एक्लो प्रयासले मात्र सम्भव नहुने भएकाले यसका लागि सम्बन्धित सबै पक्षहरु बीचको सहयोग र सहकार्य अपरिहार्य रहेको बताउनु भयो ।

उक्त तालिममा “प्रहरी निरीक्षक आधारभूत तालिम 179 औ (PGDPS 10th Batch) समूह” का सहभागी भएका ९१  जना प्रशिक्षार्थीहरुलाई  Water Rescue  सम्बन्धी शैद्धान्तिक तथा व्यवहारिक ज्ञान सिकाईएको थियो ।